لو عايز إعلام كويس سيبنا نشتغل.. هناك كتاب تُمنع مقالاتهم وعندي جمهور بيسألني كل يوم هتقدر تتكلم في النقطة دي؟  – درب

لوسمحت ادينا الفرصة نتكلم وخلي أي حد يرد.. أقدر أجيب مائدة مستديرة وأجيب ناس تتكلم في كل حاجة 

كتبت: ليلى فريد  

وجه الإعلامي عمرو أديب رسالة إلى الرئيس عبد الفتاح السيسي، قائلا: “سياة الرئيس أنا بطلب باسم الناس اللي بعتبر نفسي واحد منهم، لوسمحت ادينا الفرصة نتكلم، وخلي أي حد يرد عليا، إحنا بنتكلم عن 20 توك شو، حضرتك قلتنلنا إحنا مستقرين”. 

وتابع في برنامجه (الحكاية) عبر فضائية (إم بي سي مصر): أنا هستغل تحريضك للمسؤولين أنهم يتكلموا يتفتح الكلام بقى.. في ظروف في البلد، المسألة مش ناقصة نكد وشعللة، إحنا محتاجين نتكلم أكتر. 

وأضاف: أنا أقدر أجيب مائدة مستديرة وأجيب ناس تتكلم في كل حاجة، هل تعلم سيادة الرئيس أن هناك بعض الكتاب في بعض الأحيان الكثيرة يتم منع نشر مقالاتهم في الصحف؟.. أنا لازم أقول بصراحة يا سيادة الرئيس.. لو عايز إعلام كويس سيبنا نشتغل. 

وقال أديب: “عندي جمهور بيسألني كل يوم هتقدر تتكلم في النقطة دي؟، نفسي أقول كل حاجة وحد تاني يرد”. 

وتابع: “وقت جمال عبد الناصر كان فيه إعلام واحد، لكن حاليا بشتغل وسط ألف واحد زيي”.